ຄນະ ພປລ ເຂົ້າພົບຂ້າຫຼວງໃຫຍ່ (UNHCR) !!
07.05.2013 - 09:14:20

 

ຜູ້ນໍາ ແລະ ສະມາຊິກ ອົງການ ເພື່ອ ປະຊາທິປະໄຕ ໃນລາວ ເຂົ້າພົບ ເຈົ້າໜ້າທີ່ ສະຫະປະຊາຊາດ ທີ່ ນະຄອນ ນິວຢອກ (UNHCR) !!

ສະມາຊິກ ອົງການ ເພື່ອ ປະຊາທິປະໄຕ ໃນລາວ ຫລື ພປລ ຈາກ ທົ່ວໂລກ ໄດ້ເດີນທາງ ໄປ ມະຫານະຄອນ ນິວຢ໋ອກ ສະຫະຣັຖ ອະເມຮິກາ ໃນມື້ວັນທີ 3 ພຶສພາ 2013 ເພື່ອພົບພໍ້ ແລະ ຢື່ນໜັງສື ທັກທ້ວງຕໍ່ ເຈົ້າໜ້າທີ່ ລະດັບສູງ ຂອງ ອົງການ ສະຫະປະຊາຊາດ ກ່ຽວດ້ານ ການລະເມີດ ສິດທິມະນຸສ ໃນລາວ ໂດຍສະເພາະ ກ່ຽວກັບ ເຫດການ ທີ່ໄດ້ເກີດຂຶ້ນ ວ່າງມໍ່ໆ ຜ່ານມາ. ຈຸດປະສົງ ກໍເພື່ອໃຫ້ ອົງການ ສິດທິມະນຸສ ສະຫະປະຊາຊາດ ຮັບຮູ້ ແລະ ຊ່ວຍເຫລືອ ສືບທາວ ເອົາມາຕການ ກ່ຽວກັບເຫດການ ທີ່ໄດ້ເກີດຂຶ້ນ ແລະ ກົດດັນ ໃຫ້ ທາງການລາວ ຮັບຜິດຊອບ ກ່ຽວກັບ ການ ລະເມີດ ສິດທິມະນຸສ ທີ່ໄດ້ເກີດຂຶ້ນ ຢູ່ຢ່າງຕໍ່ເນື່ອງ. ປະທານ ພປລ ດຣ ບຸນທອນ ຈັນທະລາວົງ ວີເຊີ ໄດ້ກ່າວ ກ່ຽວກັບ ການເດີນທາງ ມາອົງການ ສະຫະປະຊາຊາດ ໃນເທື່ອນີ້ ວ່າ:

"ອັນສໍາຄັນ ທີ່ສຸດ ແມ່ນພວກເຮົາໄດ້ ເນັ້ນໜັກສເນີວ່າ ທາງ ສະຫະປະຊາຊາດ ຕ້ອງຊອກຫາ ວິທີ ການແກ້ໄຂ ບັນຫາ ຂອງ ລາວ ເພາະ ສະພາບການ ໃນລາວ ປັດຈຸບັນ ການລະເມີດ ສິດທິມະນຸສ ມັນ ຮ້າຍແຮງ ຫລາຍ. ທາງການລາວ ລະເມີດເຣື່ອງ ສິດທິມະນຸສ ເຖິງ ວ່າທາງການ ລາວ ໄດ້ເຊັນສັນຍາ ດ້ານ ສິດທິມະນຸສ ກັບ ສະຫະປະຊາຊາດ ແຕ່ວ່າ ທາງການລາວ ບໍ່ໄດ້ ປະຕິບັດ, ສນັ້ນ ພວກເຮົາ ໄດ້ສເນີວ່າ ທາງ ສະຫະປະຊາຊາດ ຕ້ອງໄດ້ຊອກຫາ ວິທີ ແກ້ໄຂ ໂດຍສເພາະ ຕ້ອງໄດ້ ຊອກວິທີ ຜັກດັນໃຫ້ ທາງການລາວ ໃຫ້ຍອມ ປະຕິບັດໃ ຫ້ເປັນຈິງໄດ້".

ຢູ່ໃນຫ້ອງການ ສະຫະປະຊາຊາດ ທາງຄນະ ພປລ ໄດ້ພົບພໍ້ກັບ ຂ້າຫລວງໃຫຍ່ ດ້ານ ສິດທິ ມະນຸສ ສະຫະປະຊາຊາດ (UNHCR) ກິຈການ ເອເຊັຽ-ປາຊີຟິກ ຮັບຜິດຊອບ ກ່ຽວກັບ ລາວໂດຍກົງ. ທັງຍັງ ໄດ້ເຂົ້າພົບ ເຈົ້າໜ້າທີ່ ຫ້ອງການ ນິຣະໂທສກັມ ສາກົນ (UN Amnesty International) ແລະ ເຈົ້າໜ້າທີ່ ດ້ານ ໂຄງການ ພັທນາ ສະຫະປະຊາຊາດ UNDP ອີກດ້ວຍ.

ສໍາລັບ ການເດີນທາງ ມາ ສະຫະປະຊາຊາດ ຄັ້ງນີ້ ປະທານ ພປລ ດຣ ບຸນທອນ ໄດ້ກ່າວຢ່າງ ພາກພູມໃຈວ່າ:

"ຂ້າພະເຈົ້າ ເຂົ້າໃຈວ່າ ການມາພົບປະ ຊຸດນີ້ແມ່ນ ພວກເຮົາໄດ້ ຮັບຄວາມສໍາເຣັດ ຢ່າງສງ່າງາມ ທີ່ສຸດ ເພາະວ່າ ເປັນຄັ້ງ ທໍາອິດ ທີ່ວ່າ ຕາງໜ້າງ ຂອງການຈັດຕັ້ງ ຂອງລາວເຮົາ ໃນທົ່ວໂລກ ທີ່ວ່າເຄື່ອນໄຫວ ມາຫລາຍປີ ເປັນຄັ້ງ ທໍາອິດ ທີ່ໄດ້ ມາພົບກັບ ຂ້າຫລວງ ໃຫຍ່ ສິດທິມະນຸສ ຜູ້ຮັບຜິດຊອບ ບັນຫາ ຂອງລາວ ໂດຍກົງ ທາງດ້ານ ສິດທິມະນຸສ ແລະພວກເຮົາ ກໍໄດ້ ນໍາສເນີ ບັນຫາ ທັງໝົດໃຫ້ ເພິ່ນຊາບ ແລະ ເພິ່ນກໍຍິນດີ ຮັບເອົາບັນຫາ ຂອງເຮົາ ໄປ ຄົ້ນຄວ້າ ທາວິທີແກ້ໄຂ".

ນັບວ່າເປັນ ເທື່ອທໍາອິດ ທີ່ ອົງການ ເພື່ອ ມະນຸສທັມ ເພື່ອ ສິດທິມະນຸສ ແລະ ປະຊາທິປະໄຕ ທີ່ເຄື່ອນໄຫວ ມາດົນນານ ໄດ້ມີໂອກາດ ເຂົ້າພົບພໍ້ ປຶກສາຫາ ລືກັບ ເຈົ້າໜ້າທີ່ ລະດັບສູງ ຂອງ ສະຫະປະຊາຊາດ ກ່ຽວກັບ ບັນຫາສິດທິມະນຸສ ໃນລາວ.